Kumusta ka na?
Tagal na noong huli tayong nagkita
Nami-miss na kita
Mag-ingat ka ha
Simpleng pangungumusta
Malayo man ang distansya
Nagdudugtong ng kaluluwa
Ngumingiting abot-tainga
Katagang nagsisimula
Ng mga kwento't istorya
Ng tawa at luha
Ng pagkakakilala
Sa simpleng "kumusta ka?"
Tao'y napapakalma
Tao'y napapasaya
Tao'y nabibigyang-halaga
Kaya't habang may pag-asa
May taong nangungumusta
Habang may nangungumusta
Mundo'y patuloy na sisigla
Walang komento:
Mag-post ng isang Komento