Kung may lapis kang may tasa
Sumulat ka at nang mamulat ka
Mamulat ka at mamulat din ang iba
Sa mundong mapangahas at madaya
Na laging nasa laylayan ang mahirap at mahina
Kung may lapis ka at pambura
Sumulat ka at nang mabasa nila
Mabasa nila at mabasa pa ng iba
Ang mundong hindi nagbabalita
Ng mga hinaing ng mararalita
Kung may ballpen ka na may tinta
Iyan ay iyong sandata para ipaglaban sila
Ipaglaban sila at nang lumaban din sila
Sa mundong gagawin nating malaya
Ang bawat tao lalo na ang mahirap at mahina
Walang komento:
Mag-post ng isang Komento