Araw ng mga salitang pinagtagpo
Pinagsaliw sa iisang himig at ritmo
Ginawang paksa ang isang katulad mo
Sa komposisyon ng pagkikita uminog ang mundo
Umaasa ang salita sa mga tugma
Kariktang taglay-taglay ng isang tula
Marahil umaasa na rin ako kahit wala
Sa mga nakaw na sandali kapag kasama ka
Magtugma man ang mga piniling saknong
Ang kaibuturan ko'y laging magtatanong
Saan nga ba pupunta at hahantong?
Ang paghangang sa dibdib ay kinukulong
Walang komento:
Mag-post ng isang Komento