Lahat na lang nahuhulog
Pati takip ng kaldero naging bubog
Pati ako ay tuluyan nang lumubog
Laman ka ng panaginip sa pagtulog
Lahat na lang ay nahuhulog
Sa ngiti mong parang magdamag nagmumog
Puso ko'y huwag sanang madurog
Kung hindi ang bahay niyo'y masusunog
Lahat na lang talaga ay nahuhulog
Tila ba ang mundo ay umiindayog
Sa ilalim ng araw at buwang duyog
Minsan lang magkita, sa iyo pa ang puso'y tumugtog
Walang komento:
Mag-post ng isang Komento