Pigil-hininga, baka kasi amoy patay na daga
Kahit nagsipilyo naman ako kaninang umaga
Pigil-hininga, baka tibok ng puso ay marinig niya
Tatagal ba itong damdamin o mawawala rin kaya?
Pikit-matang umaasang magugustuhan din niya
Kahit ako'y halatang-halata na mas bakla pa sa bakla
Pikit-matang nananalangin na sana nga ay siya na
Ang tugon sa bawat pagsamo't dalangin kay Bathala
Lagi nalang bang pigil-hininga at pikit-mata
Hahaplusin at susulyapan na lang sa hangin
Ang pag-ibig ko sa'yo ay dito na lang ba sa aking diwa
Nasa kamay ng tadhana kung mamahalin o palalampasin
Walang komento:
Mag-post ng isang Komento