KWENTONG SINULAT NATING DALAWA (2022)

Umiiyak aking mga mata

Tuloy-tuloy na agos ng luha

Dahil ba sa sakit na nadarama

O dahil sa pangungulila

Kung 'di ka na maalala

Ang puso ko ay 'di magsasawa

Na babalik at gugunita

Sa kwentong sinulat nating dalawa

MAPAGLARO NGA ANG TADHANA (2022)

 Naglipat na ng pahina

Umusad na ng kabanata

Samantalang ako'y naiwan pa

Doon sa pinakaumpisa

Sa librong tayo ang kumatha

Tayo rin ang siyang protagonista

Sadyang mapaglaro nga ang tadhana

Dahil ipinagkait sa 'tin ang wakas na masaya

Bakit ka pa nakilala?

Kung ang gugustuhin ko lang pala

Ay ang mabura at mawala ka

Sa aking mga alaala

Bakit pa sinulat ang nobela?

Kung sakit din pala ang dala

Ng mga iniwan mong alaala

Na bibitbitin hanggang pagtanda

KWENTUHANG PANDEMYA (2021)

Hello, I'm back to back.

Kakatapos lang namin ang 1st Semester ng Grade 12. Medyo mahirap at matrabaho 'yung mga pinagawa pero keri lang naman. Nag-radio drama, nag-film ng music video para sa sinulat ng kanta (pero kumuha kami ng tune sa ibang song pinalitan lang ng lyrics), nagsulat din ng maraming papers, at maraming mga formative assessments. 

Nagpa-vaccine na rin kami no'ng November 15 (1st Dose) at December 14 (2nd Dose). Maayos at may sistema naman ang mga location ng vaccination kaya madali lang proseso. Magaling magpalakad si Mayor Marcy. 

Nagparegister na rin pala ako para sa nalalapit na Eleksyon 2022. Kaya boboto na rin ako. Napakalaking responsibilidad ang pagboto kaya't dapat itong pag-isipan. May ginawa kaming infomercial tungkol sa Eleksyon kaya nais ko lang ibahagi ang acronym na VOTE na maaring gamitin ng mga botante sa pagkilatis ng kandidatong ihahalal sa pwesto. 

"Always remember the acronym: V.O.T.E.!"

V - Verify information about the candidates

-Avoid fake news and research the information about the candidates in reliable resources

O - Our vote, our future

-Our vote matters because it gives us power to elect the leader. 

“A single bee is ignored, but when millions come together, even the bravest run in fear. The one thing the government fears is the day we stand together”

T - Think, Think, and Re-Think

-Voters should decide with rational thinking and reasoning. For emotion does not constitute the fact that this candidate can or cannot lead. Vote with your mind and not with your heart.

E - Elect eligible and effective leaders

-Eligible, they have prove their educational attainment and records; and Effective, they have rendered their service and execute programs that benefitted Filipinos,

Nakakalabas-labas na rin naman kami pero sa mga importanteng mga bagay lang. Tulad ng pagpaparehistro ko, pagpapabakuna, pagsisimba, at ang pinaka-latest ang pagpapakuha namin ng litrato para sa diploma o Graduation Pictorial.

Ayun, nagkita-kita ulit kami ng mga kaklase ko. Pinapunta ko pa ;yung isa kong kaibigan, pumunta naman siya. Namigay ako ng letters sa mga kaibigan ko kasi 'di ko sila nabigyan last school year

Tapos nagpasko na 'di ba. Sobrang simple lang ng celebration namin. Nagsimba kami saka kumain saka nagpunta dito 'yung mga pinsan ko (s kabilang bahay lang naman sila lol).

Na-realize ko rin na 'di ko dapat dinedepende sa materyal na bagay ang pagiging masaya sa pasko kasi nasa mga kasama mo sa buhay tulad ng pamilya, at ang mga alaalang babalikan mo. At pinakamahalaga ang dahilan ng pagdiriwang ay si Hesus. Siya ang dapat na maging sentro ng ating buhay. 

'Yun lang tapos ang dami ko palang planner. Lima na ata. 'Yung iba 2020 pa.

See you ulit <3

TUNAY NA ESENSYA NG PASKO (2021)

 Mga nakatatakam na mga handa

Mga ilaw na nagkikislapan

Mga taong may ngiti sa mukha

Mga simbahang napapalamutian

Ang dahilan ng pagdiriwang

Ay ang Panginoong isinilang

Para ang mundo'y ihatid

Sa Amang mabuti'y nababatid

Kaya't sa ating pagsasaya

Ating isapuso't isadiwa

Ang tunay na esensya

Ay ang pagdating ng Poong Dakila

SA ALAK NA KUNG TAWAGI'Y KALUNGKUTAN (2021)

 Lasig na lasing at langong-lango

Sa alak na kung tawagi'y kalungkutan

Hatid sa 'kin ng mapapait na salitang binitiwan

Ayaw na ngang dumilat pa at gumising sa katotohanan

Nabibingi sa ingay ng kapaligiran

Nais mawalang parang bula rito sa sandaigidigan

Nang makawala sa hapdi't sakit na nararamdaman

Dahil sa bawat araw ang puso'y kumikirot at nagdurugo

Sana sa 'king pagmulat sa araw na panibago

Ngiti ang nakapinta sa aking mukha at sa mundo

Dahil naniniwala akong pagktapos ng ulan

Magpapakita ang bahagharing hudyat ng panibagong simula

PIRASO NG PUSO (2021)

Sa pag-ikot ng relo

Pinamigay ang piraso

Piraso ng aking puso

Sa mga dinaanang tao

Kaya't sa 'kin ay naubos

Tila 'sang kandilang upos

Nanghihina't nanlilimos

Umaasa sa pag-ibig na lubos

NALIGAW NA MANLALAKBAY (2021)

 Bawat galaw, bawat yapak

Sa liku-likong daang tinatahak

Ako'y naligaw, ako'y nahatak

Sa mundo ng mga palpak

Ngunit 'sang gabi sumilay

Talang maliwanag, talang malumanay

Ang pangalan niya'y 'Inay'

Tatanglaw sa 'king paglalakbay

Aking karumhan, aking kapangahasan

Bubog na natapakan sa daan

Pighating tinutuluyan

Iyong pinawi, iyong pinagaan

Naligaw man sa paglalakbay

Si Inay ay hinahanap akong tunay

Nang 'di mapariwara, nang 'di masinsay

Sa landas patungo sa walang hanggang buhay