hinuhukay ang lupa
ang ataul ay ibababa na
huling tingin na sa bangkay
tatabunan na rin pagkatapos
pagkat buhay namamatay
ang simula natatapos
ngunit ako ay humihinga pa
ngunit nabubulok na
ang kaloob-kalooban
pagkat ang basura
hindi natapon sa basurahan
hindi kasi pwedeng tuluan
ang kabaong ng luha
pagkat mamalasin daw
kaya’t ang bulaklak ay nauhaw
tuwing undas lang dinadalaw
ang mga yumaong namayapa
ngunit aking kaluluwa
nagpantay na ang mga paa
kaya kahit sindihan ang kandila
hihipan din ng hangin
ang aking mga panalangin
pagkat sa buhay ngayon at sa kabila
hindi pa rin naman payapa
Walang komento:
Mag-post ng isang Komento