Ako ay piraso lamang ng aking mga minahal
Mga bubog ng tinatakbuhang nakaraan
Mga nalabing mga alaala na pinanghahawakan
Mga tira-tira ng miminsang pinagsamahan
Ako ay binubuo lamang ng retaso ng aking mga inibig
Kaya ang puwang, napunan
Ang kulang, naging sapat
Hanggang sa ang pira-piraso ay maging isang buo
Durugin man ng panahon
Paghiwa-hiwalayin man ng pagkakataon
Muli ko na lamang tatahiin ang punit-punit na tela ng aking mga minahal at inibig
Pagkat sino nga ba ako kung wala sila?
Walang komento:
Mag-post ng isang Komento