Saan man ako magtagong sulok
Natatalastas mo, O Diyos, ang aking silid
Ang iyong pagmamahal ay pumapasok
Sa aking pusong kahit ito'y nakapinid
Hindi man umusal ang aking bibig
Malunod man sa dagat ng pag-aalinlangan
Nililigtas ako ng iyong dakilang pag-ibig
Hinihilom ang sugat ng aking nakaraan
Nananalig ako sa iyong Mabathalang Awa
Ang tanging moog ko at tanggulan
Isa lamang akong hamak na balana
Sa lupa, huwag sana akong pabayaan
Walang komento:
Mag-post ng isang Komento