Lumalim nang lumalim ang hininga
Hinuhukay ang kaibuturan ng kaluluwa
Kaya't tumambad ang bangkay, naagnas na
Umaalingasaw ang masangsang na diwa
Humihiwalay ang isip sa aking paa
Naglalakad sa gitna ng kalsada
Ang mga kotse ay binabangga
Hanggang mabundol sa pagkatulala
Nalulunod sa karagatan ng luha
Wala man lang naghagis ng salbabida
Lumulutang, lumulubog, lumalansa
Nananadya ang lambat ng mangingisda
Walang komento:
Mag-post ng isang Komento