sepulturero ng damdaming naagnas na
nililibing ang mga naglilitawang alaala
hinukay nang hinukay, ibabaon din pala
lalagyan ng bulaklak, papatakan ng luha
sa sementeryo ay palaging dadalawin
aalayan at dadasalan ng panalangin
hanggang sa tuluyang burahin ng hangin
ang ako, sa alalala ng isang ulyanin
at kung mabubura na ang pangalan
sa inukitang lapida ay 'yong tandaan
ang memorya mo ay humina man
muli akong magpapakilala sa'yo sa kalangitan
Walang komento:
Mag-post ng isang Komento