Alam kong may Diyos
Pagkat minahal mo ako nang lubos
Ikaw ang siyang pinadala
Para pag-ibig Niya'y maipadama
Binalot mo ng lampin ng aruga
Pinaliguan ng mga pangaral
Hinehele ng pangarap at pag-asa
Pinapawi ang sa mundong pagkahingal
Ikaw ang inang handog ng itaas
Yapos mo ay palaging nasa puso
Babaunin ko sa bawat landas
Sa aking paglalakbay sa mundo
Walang komento:
Mag-post ng isang Komento