nahulog ko, 'di ko alam kung nasaan
pag-uwi ko, 'di ko na matagpuan
ang nawawala kong ID
nawala ko rin ba ang aking sarili?
ang mukha kong nakangiti
ang pangalang nakatitik
dahil lang sa pagmamadali
ang ID 'di ko na nauwi
kinakausap ko ang sarili
saan ba ako nagkamali
kung mahahanap ko bang muli
o magpaparaya na lang sa huli
kung magpapagawa ako ng bago
magiging magkaiba o magkapareho
masisilayan kong muli ang ngiti
sana 'di na mawala sa'king labi
sa nawawala kong ID
mag-iingat kang parati
'di man kita kasama ngayon
iniisip kita sa lahat ng pagkakataon
kahit masakit mawala
kinikimkim pagwawala
wala na akong magagawa
ibubulong nalang sa bawat paghinga
Walang komento:
Mag-post ng isang Komento