'di man naging tayo
pinagpapasalamat ko
nakilala ko ang sarili
nagbalik akong muli
sa pagsasatitik ng simangot at ngiti
'di man nasagot ang hiling
dahil mata mo ay may piring
nagpapasalamat pa rin
ikaw ang nagbigay tamis
sa tuwing buhay ay nangangasim
kahit na 'di nagdugtong-dugtong
ang aking pagsusumamo at mga bulong
kahit papaano ay may natulong
ang ikaw sa pagtahimik ng mga daluyong
na kaya ko nang mag-isa, walang takot na susuong
Walang komento:
Mag-post ng isang Komento