ang tangi kong pagsisisi
ay 'di ka trinato nang mabuti
kung maibabalik ko
mas magiging mabait sa'yo
kung mababasa mo man ito
siguro ay wala na ako
o kung 'di mo nabasa
siguro'y sasambitin ko na lang sa iyong lapida
sana ay mas ngumiti
sana ay pagsusungit ay tinipid
sana ay mas naging batang munti
na sa iyo ay laging lumalapit
sana pagbigyan pa ng panahon
gumawa ng alaalang baon
sa pagtanda, at kung kumupas ang alaalala
ikaw ang pangalang tatawagin sa pagwawala
Walang komento:
Mag-post ng isang Komento