Mukhang laging seryoso
Animo'y may namumuong bagyo
Laging nagsasalubong ang kilay
Ang tingin ay nakamamatay
Kaya't sa papel gumuhit ng gitling-gitling
Habang ang puso sa baha inanod
Kahit sa puso ay may hiling-hiling
Sa ilog ng tangis unti-unting nalulunod
Para naglalakad na sama ng panahon
May makulimlim na ulap sa ulo
Kahit anong oras pwedeng bumuhos
Ang isang nakapipinsalang unos
Kaya't gumuhit ulit ng gitling-gitling
Meron bang aasahang araw sa susunod
Sa puso'y umuukit ng mga hiling-hiling
Kung wala 'to, baka ako ay nasa puntod
Walang komento:
Mag-post ng isang Komento