MAHIRAP MAGING KAKAIBA (2019)

 Mahirap maging kakaiba 

Pilit ka nilang ibababa

Wala ka ng magagawa

Kundi magparaya

Ikaw man ay nakagapos

Pilit na binubasabos

Magtiwalang ito'y matatapos

Lalabanan ang taliwas na agos

LAMPARANG PUNDI (2022)

 Sa likod ng masisiglang ngiti

Doon inililihim, doon ikinukubli

Ang lamparang malapit nang mapundi

Kaya't sinasakop na ng kadiliman ng gabi

NOBELA (2022)

Aking isasatitik ang ating kwento

Kwentong minsang nagpainog sa'king mundo

Sa aking puso ay muling tinuro 

Mga nalipasang aral na ginto

Mga kaibigang nakasama ko

Sa  kuwadradong entablado

Sa paghahanap ng kasagutan

Sa pagtuklas ng kahulugan 

Dinalumat ang salitang samahan

Pinaglayo't pinaghiwalay man 

Mananatili''t mananahan

Sa nobelang kayo ang mga tauhan

PAALAM SA KWENTONG ATING BINUO (2019)

Bakit 'di na tayo nagpapansinan?

Bakit naman biglaan?

Iyo na bang kinalimutan

Mga araw na ating pinagsamahan

Nakalulungkot sa tuwing binabalikan

Alaalang ating pinagsaluhan

Itatapon na lang bang tuluyan

Para 'di na masaktan

Tadhana na ang nagturo

Pero 'di pa rin natuto

Kaya't sa huling yugto

Paalam sa kwentong ating binuo 

IKAW ANG ARAW, AT AKO ANG BUWAN (2022)

Ikaw ang araw, at ako ang buwan

Kapwa isinumpang walang hanggan

Na magtatagpong saglit at mabilisan

At habambuhay magkakasalisihan

Ang iyong mga matitingkad na ngiti

Ang nagsisilbing bituin sa kadiliman ng gabi

Ngunit sa pagsapit ng sikat ng araw

Ikaw ay hindi ko na matanaw

Marahil ito ang takbo ng ating kwento

Magmamahalan ngunit 'di magkakatuluyan

Salamat dahil kahit sa sandaling pag-inog ng mundo ko sa 'yo

GANOON BA AKO KAHIRAP MAHALIN? (2022)

Kasing hirap ba ng bundok kung akyatin

Kasing hirap ba ng dagat kung sisirin

Kasing hirap ba ng gubat kung lakbayin 

Ganoon ba ako kahirap mahalin?

Bakit mas madaling sabihin ang salitang matatalim

Kaysa sa mga salitang magpapahilom sa sugat na malalim

Bakit mas madaling iwanan ako sa dilim

Kaysa samahan sa liwanag ng takipsilim

Ang pangarap kong dati'y pataas ang paghatak

Ngayo'y tila isang ibong pinutulan ng pakpak

'Di makaalpas sa mga daluyong ng buhay

Naghihintay ng iyong pagtulong at pag-agapay

THE WORLD WILL NOT (2022)

 The world will not give you time to heal

For healing starts when we let ourself

Free from the fresh wounds of past

Free at last to move forward and onward

The world will not give you time to rest

For rest is not enclosed in the idea of sleep

It comes in many from people around us 

It comes from the person within us

The world is the epitome of the word selfishness

But we are not the world, we are own beings

Beings capable of giving love where there is none

Beings capable of giving hope where there is hopelessness