PASKO... PASKO... PASKO NA NAMANG MULI (2022)

Ngayong pasko 18 na ako. Matanda na sa mata ng mga tao. Pero naka-receive pa rin ako ng pera. Nakakatuwa. Pero, the more that I age, the more I realize that giving is as fulfilling as receiving. The essence of Christmas is about giving. (A little bit religious) Jesus gave himself to us in Christmas Day. It is His day, but He choose to give us gifts instead. So the value of selflessness is what the Christmas is all about. 

Sa tingin ko kung bakit marami ang nagsasabi na hindi na nila dama ang pasko. Bukod sa feeling main character sila. KIMMY! Hindi naman dapat sa atin nag-re-revolve ang pasko. It should be celebrated with the people with love. If you feel na walang love sa paligid mo. Then my favorite quote from Retreat 2016 was, " If there is no love. Give love. And there will be love." Ikaw mismo ang magpakita ng pagmamahal sa pamilya mo. In ways that you know. Kahit 'di ka showy, it can be in a way na magbonding kayo through decorating, cleaning and cooking.

Pasko... pasko... pasko na namang muli. Panahon na naman ng pagsasabit ng mga palamuti, pagluluto ng masasarap na pagkain, at pagsasama ng mga pamilya. Kaya masaya man tayo o malungkot, ipagdiwang natin ito kasama ang mahal natin.

Maligayang Pasko

KWENTO MO (2022)

 Sa samu't saring kwentong sumulpot at kumalat

Sa dinami-rami ng mga naisulat at isusulat pang mga aklat

Alam mo ba na ang kwento mo ang pinakamahalaga sa lahat?

Ang mga pangarap na ninamnam sa pagpikit

Ang mga kumikislap na bituing sinusungkit

Sa bawat kabanata ang pangarap ay papalapit na nang papalapit

Bawat karanasan - tuwa o panglaw man ang dulot sa atin

Ang pagpapatuloy sa buhay ay huwag kalilimutan

Dahil ang simula ay kasing halaga rin ng hangganan

PATIBONG (2022)

Tinahak ko ng mag-isa at mabagal ang usad

Ang isang masukal at peligrosong gubat

Walang liwanag ng araw o buwan ang maaninag

'Di mo namamalayang nahulog ka na pala sa bitag

Sa madlang pagsigaw at pagbitaw

Ng salitang walang pag-ibig

Sa walang habas na pagsipa at paghila

Ng buto't lamang nanginginig

Nahuli ka na sa pusod ng kagubatan

Nahulog sa patibong na pinag-isipan

Makakatakas pa kaya rito o dito na aabutan ng pagputi ng mata

Makakalaya pa kaya rito o dito na aabutan ng leong sugapa

SALO (2022)

 Sila ang dumadayo 

Sa lugar na malalayo

Pero ikaw ang tagasalo

Ng mahihigpit nilang pamalo

Ikaw ang iniwan

Sa dami ng kasalanan 

Ang puno't dahilan

Kawalan ng puso't kalooban

Kailan magtatagpo ang ikaw at ako?

Sa mundong bingi sa aking saklolo

Saan hahantong ang iniwan at dumayo?

Sa daanan bang ang sakitan ay walang hinto

ISKOWENTO: Freshman Midterm Experience sa Sintang Paaralan (2022)

  Ito ang courses namin sa Bachelor of Arts in Broadcasting sa Sintang Paaralan:

• COMM 001 - Introduction to Communication and Media (ICM)
• GEED 001 - Understanding the Self (UTS)
• GEED 002 - Readings in Philippine History (RPH)
• GEED 003 - The Contemporary World (TCW)
• GEED 004 - Mathematics in the Modern World (MMW)
• GEED 032 - Filipinolohiya at Pambansang Kaunlaran (FPK)
• PATHFIT 001 - Physical Activity Towards Health and Fitness 1 (PATHFIT 1)
• CWTS 001 - Civil Welfare Training Service 1 (CWTS 1)

Sa amin natapat ang panibagong curriculum dahil Ika-isandaang anibersaryo ng Broadcasting sa Pilipinas. Isang makasaysayang pangyayari ang natapat sa unang taon ng aming pag-aaral sa kolehiyo. Kaya't nakaatang sa aming mabigat na responsibilidad na ipaglaban ang malayang pamamahayag. 

Ang paborito kong courses so far ay ICM at UTS. Napaka-interesting ng mga pinag-uusapan at ang paraan ng pagtuturo sa amin. Sa iba  no comment na lang. Sa evaluation na lang tayo magkita. HUY! 

ICM. Sa ICM ang interesting ng Midterm Requirement at Final Requirement namin. Sa Midterm pinagawa kami ng isang fun fact na video na may limit na 1 minute to 1 minute, 20 seconds. Magsisimula dapat ang video sa "Alam mo ba...". Ang napili naming paksa ng aking mga kagrupo ay ang pagsisimula ng kulay sa telebisyon. Retro ang tema ng aming video para cool. Mala-5&Up at Sineskwela ang atake namin. Sa Final Requirement naman pinagawa kami ng Analysis Paper about Media Use and Consumption. Interesting but quite rigorous.

CAREER TALK. Sa ICM pa rin mayroon kaming Career Talk na nakakatuwa. Ang unang guest ni Ma'am ay alumni ng PUP na pareho namin ng program. Nagtatrabaho siya sa Air Asia ngayon bilang External Communications OIC (as far as I remember). Nagbahagi siya ng kaalaman niya hinggil sa Public Relations. Iyan din ang paksang tinatalakay namin sa last session namin. Napakaraming natutunan mula sa buhay sa industriya ng media (sa print at radio) at sa buhay pamatay-sunog ng mga public relations officers. Ang isa naman ay production manager ng sikat na magazine program na Kapuso Mo, Jessica Soho (KMJS). Ang concise ng mga ibinahagi niya kung paano bumuo ng isang kwento. Dapat talaga laging may puso at isang public service ang pag-bo-broadcast. 

UTS. Kada session dito para kaming nasa therapy session healing our inner child. Grabe ang trauma dump. Pero Mx. grabe naman ang workload. Ang heavy naman. Pero so far naeenjoy ko naman ang mga journal entries ko. Napakagaling din nung short interactions namin per activity na mas nakikilala ko mga blockmates ko. 

Groupings. Puro kami groupings at ito ay ginagawa sa pamamagitan ng roleta. So far maayos naman ang mga kagrupo ko. Ang tatalino nilang lahat. Iba-iba ng manifestations ng talino. Pero ang huhusay nila sobra. Nakakainspire matuto at makipag-collaborate ng idea.

Ayan na ang MIDTERMS EXAMS na wala namang masyadong ganap. Buti naman. Na-meet na rin namin ang lahat ng prof namin sa wakas. Pero 'di weekly ang meeting namin. Every other week kami usually. 

By the way , 

PAIKOT-PAIKOT (2022)

 VERSE 1

O bakit ba?...

Tanong nang tanong, ‘di mapakali

Ang mga pangamba ay kinukubli

 

Saan ko ba matatagpuan?

Ang sarili ko dahil ‘di ko na ito namumukhaan

 

Saan ko ba matatagpuan?

Ang katapusan ng kwentong ‘di ko kayang matuldukan

 

CHORUS

O bakit ba parang paikot-ikot lang ako?

Dito sa mundo.

Bumabalik lagi sa umpisa...

Kailan kaya maabot ang dulo?

 

O bakit ba parang naiwan na ako?

Dito sa mundo.

Bumabalik lagi sa nakaraan...

Kailan kaya maabot ang wakas?

 

VERSE 2

Kailan ba ako matututo?

Na sa isinulat kong kwento

 

Ako lang ang magpapalaya

Sa kulungan kong kabanata

 

Aabot ba ako sa dalampasigan na hindi ko naman matanaw?

Aabot pa kaya sa kinabukasan na sumisikat ang araw?

 

BRIDGE

Samantalang sila ay mahimbing na natutulog

Ako naman ay parating nasusunog

Sa mga alaalang pilit hinahalughog

 

CHORUS

SONGWRITER'S NOTE:

Naranasan niyo na bang magpunta sa isang lugar pero parang hindi ka makarating sa pupuntahan mo kasi paikot-ikot ka lang. ganoon din ang naging pakiramdam ko. Isang bagay ang pilit kong 'di ginagawa at nililimutan pero bumabalik lagi sa umpisa. Lahat ng pinaghirapan ko ay nawalang parang bula. Subalit, ako ay babangon at tatakbuhin ang buhay hanggang marating ang dulo nito. Ako ay susulat na baon ang pag-asa na ang kabanatang ito ay mairaraos hanggang maisatitik ang wakas.

SINAG (2022)

[Alay sa Ina ng Kaliwanagan, Immaculada Concepcion, at Nuestra Señora de Guadalupe]

 Sa dilim ng gabi

Inaantay ang sinag parati

Nang ang loob ay bumuti

Sa yanig ng lupa

Ang ngalan mo ay laman ng dila

Nananalangin iligtas tuwina

Ang sinag ng araw

Sa pag-ibig ay nagpapalinaw

Kahit saan man ay natatanaw

Ang sinag ng buwan

Yumayakap sa 'king kapanglawan

Inaaliw akong nasasaktan

Tanglawan kaming lagi aming Ina

Sa mundong puno ng hapis at dalita

Dalhin kami sa kahariang maligaya