PANSAMANTAGAL (2022)

Halos dalawang taon na rin ang lumipas

Nang ang mundo’y huminto’t kumupas

Na ang dating dikit-dikit ngayo’y iwas na iwas

At ang papel na dati’y buo ngayo’y may pilas

Gumising na lang na ang laman ng balita

Ay mga taong sa sakit ay  nagdurusa 

Mga minamahal na namayapa na

At mga taong walang laman ang sikmura

Dumating na ang mga gamot at bakuna

Kaya't lumuwag na ang mga polisiya

Dahan-dahang umuusad na ang nakararami

Sa bagong normal na  ang pag-iingat ay matindi

Gaya ito ng sugat na naging peklat Na mananatali’t magtatagal na sa balat ‘Di naman ito makapipigil sa pag-angat Sa panibagong kabanatang isusulat

Ngunit sa bawat kwento ay likas

Na ito ay hahantong din sa wakas

Ang pandemiyang pansamantagal na nag-iwan ng bakas

Nagturo ng babauning sigla sa pagharap sa bagong bukas

PALASONG ULILA (2022)

Minsan raw naubusan si Kupido ng pana

Kaya isang puso lang ang may tama

Nakakalimutan na dalawa dapat ang magkapareha

Kaya mayroong naiiwang mag-isa

Kahit ay hagilapin saan kahit sa eskinita

Wala kahit ni isa na tumutugma

Sa pihikan kong puso na nangungulila

Baka ako na nga ang natamaan ng palasong ulila?

TROUBLED SEA (2022)

 The fire of my anger burned me 

Till I am just tears of sadness

The poisonous word you said

Paralyzed the dreams in my heart

The troubled sea is where my head rest

Covered in wounds and scars and bad memories

Shivering in the cold, waiting to be told

That someone is willing to share my unbearable despair

The pain that molds and shapes ourselves

Have made us stronger but let's ponder

That the courage is a blessing

From God to human being

BAWAT (2022)

 Bawat titik tumatatak

Sa pusong pinagsasaksak

Sa sakit sumasalampak

Habang ang palalo'y pumapalakpak

Bawat salitang sinusulat

Ang mata'y minumulat

Sa dalamhating dagat

Sa hagupit ng habagat

Bawat tula ay tinutumbok

Ang tunay na tinitibok

Ng pusong pumuputok

Sa dinadaanang dagok

PS: O-M-G 'Di ko aakalain na one year na ang blog ko. Happy Anniversary to my blog! More poetries, short stories, and random entries to come. 

MINSANG UMINOG SA 'YO ANG AKING DAIGDIG (2022)

 Sa bawat araw na lumipas

Ikaw ang laman ng alaala kong walang kupas

Sa bawat along humahampas

Alaala mo'y 'di na mababalik ng oras

Kaya't kung ito'y iyong masumpungan

Hinihiling na huwag kalilimutan

Na minsang sa 'yo uminog ang aking daigdig

Kahit mag-isa lang akong umiibig

KWENTONG SINULAT NATING DALAWA (2022)

Umiiyak aking mga mata

Tuloy-tuloy na agos ng luha

Dahil ba sa sakit na nadarama

O dahil sa pangungulila

Kung 'di ka na maalala

Ang puso ko ay 'di magsasawa

Na babalik at gugunita

Sa kwentong sinulat nating dalawa

MAPAGLARO NGA ANG TADHANA (2022)

 Naglipat na ng pahina

Umusad na ng kabanata

Samantalang ako'y naiwan pa

Doon sa pinakaumpisa

Sa librong tayo ang kumatha

Tayo rin ang siyang protagonista

Sadyang mapaglaro nga ang tadhana

Dahil ipinagkait sa 'tin ang wakas na masaya

Bakit ka pa nakilala?

Kung ang gugustuhin ko lang pala

Ay ang mabura at mawala ka

Sa aking mga alaala

Bakit pa sinulat ang nobela?

Kung sakit din pala ang dala

Ng mga iniwan mong alaala

Na bibitbitin hanggang pagtanda