"Sa mga mahahalimuyak at makukulay na bulaklak ng aking kabataang naisatitik para sa alaalang aking sasariwain at babalik-balikan."
Me and my bad decisions
We go along like smooth relations
But how did I get to be this way?
Maybe it's only for today
All I did was like a man
Then my suffering all began
Are this punches and kicks enough?
For you to justify me being tough?
I have been questioning
Why do I keep myself hiding
Behind close doors and sturdy walls
I guess I'll never grow some balls
Siya ang kasama mo at hindi ako
Dahil siya ang pangarap mo
Kahit matagal na akong nagmamahal sa'yo
Ganon talaga, kapag bakla, hindi ka pinipili
Kailan kaya matatanggap ito sa'king sarili
Bakit ganon, mahirap ba akong mahalin
Pero ngayon, ako'y dapat munang buoin
Siya ang nagpapangiti sa iyo
Kahit lumuwa na ang mata ko
Kakaisip ng mga banat at biro sa'yo
Ganon talaga, kapag bakla, hindi ka pinipili
Mas gusto nila 'yung magandang mga binibini
Desisyon ko bang maging sirena
Paano kaya kung hindi ako naging bakla?
Alam kong parehas naman nating desisyon
Ang magkalayo't putulin ang komunikasyon
Pero bakit masakit pa rin kahit wala naman tayong naging relasyon
Pwede ba tayong magsayaw sa ulan?
Nang hindi mo 'ko makitang luhaan
Pwede mo ba akong saglit na hagkan
Pagtapos ay 'yong dahan-dahang bitawan
Simula palang ang umaasa lang ay ako
Kaya't kailangan ko nang limutin ang tayo
Dahil tanggap ko nang pagmamahalan nati'y kailanman ay 'di mabubuo
Pwede ba tayong magsayaw sa ulan?
Nang hindi mo 'ko makitang luhaan
Ika'y dahan-dahan ko nang kakalimutan
Dahil 'di mo naman kasalanan ang ako'y masaktan
'Di ko maintindihan
Kung bakit kasalanan
Ang magmahalan
'Di ko maunawaan
Kapag ikaw ang nandiyan
Hindi ka malapitan
'Di kita masabihan
Ng nararamdaman
Baka ako'y layuan
'Di ko pa matuldukan
Ang lagi mong pagdaan
Sa 'king isipan
Paano kung umamin ako
Meron bang mababago
Sa ikaw at ako?
O ibaon na lang sa gunita
Para sana makasama kita
At 'di na ako masaktan pa
Humihingi ako ng paumanhin dahil minahal kita
Kahit wala pa akong kamuwang-muwang sa pag-ibig
Dahil kapag ako'y sumulyap sa mapupungay mong mata
Tila ako ay nasa isang marikit at matingkad na panaginip
Pinigil ko naman pero mas lalong nahulog lang
Isa kang balong malalim na sinasalukan ko ng paghanga't pagmamahal
Ngunit iisa lang ang iyong tinitigna't sinisintang nilalang
Pero narito ang puso kong pumipintig sa'yong parang hangal
May pangarap ka't inaasam para paglingkuran ang taumbayan
Matamis ang dila't simpatikong ginoo sa nakakadaupang-palad
Subalit kung ako'y tatanungin sadyang maramot ang tadhana lumaban
Pagkat pinagtagpo tayong pagewang-gewang ang takbo ko't ikaw ay diretso ang lakad
Malakas din naman ang karisma ko
Pero hindi ako ang tipo mo
Kaya ko rin namang makinig sa'yo
Pero nagkataong lalaki ako
Hindi rin naman kita masisisi
Kung hindi mo nakikita ang sarili
Umibig sa akin pagkat hindi madali
Kaya't itong pag-ibig ay mananatiling pipi
Kung sa susunod na magkita muli tayo
Kung sa Gilmore, Pureza, o sa Recto
Sana'y kaya kitang tignan nang diretso
'Yung hindi na ako umaasa ng kahit ano
PS: Shemalu anu ba nmn i2 bat mu ko inaask ng love story e toy story tau. LARO H E H E ... Narinig ko pa pano kau ng gf mo. Pag inggit, pikit. Kaya ngaun nakapikit pa rin talaga AJ3J3J3
Ikaw ang pagsubok na nais kong pagdaanan
Habang nakapiring ang mga mata at hawak ang timbangan
Dumating nang biglaan sa aking harapan
Hindi ko naman kailangan pero nagugustuhan
Nangako man sa sariling hindi na ulit mahuhulog
Pero ang sumpa'y saglit ko munang pinatulog
Pilit kong inaapula ang damdaming unti-unting nasusunog
Dahil ikaw ay umiibig, kaya't ako'y 'di na
dudulog
Ako man ang nagturo pero sa'yo'y mata'y muling natuto't namulat
Mga mata kong dati'y nakapikit ngayo'y dagling dumilat
Ngunit tunay kong nadarama'y hindi ko na isisiwalat
Pagkat masasaktan lamang ang puso kung sa'yo'y magtatapat
PS. Empachuweyshun lang siguro 'to. Baka bukas wala na...
Sana nga bukas wala na...
Pero nakaka-enjoy ma-hurt ulit.
Update: gu$2 p@ r3N
Ako ay talinhaga Nakagapos sa tanikala Nakabusal ang bibig Nakapiring ang mata Nilisan ng pag-ibig Yaring puso at diwa Ako ay talinhaga Na...