Mga masisiglang busina ng hari ng kasada
Habang binabagtas ang mataong kalye ng Maynila
Hatid-hatid ang mga estudyante sa eskwela
At sa trabaho naman ang mga manggagawa
Ngunit ang gobyerno'y pilit na buburahin
Ang mga tsuper at komyuter sa kasaysayan natin
Parang kasinungalingan na lamang ang namamayani
Sa bayang ang mga lider ay bingi at mga nasa laylayan ay pipi
Tutulan natin ang pagbura sa mga hari ng ating kalye
Dahil kapag ang ating mga tsuper ay tuluyang sinisante
Ang mga kalsada natin ay magiging miserable
Pagkat hindi na tungo sa modenisasyon ang biyahe
Walang komento:
Mag-post ng isang Komento