Lumalangoy sa sariling luha
Nanaghoy sa sariling tula
Dumudungaw sa dayuhang lupa
Nangangarap ng kakaibang paghanga
Malabong magtagpo ang ating mundo
Ang tahanan ko ay karagatang tago
Lupa ang siyang tinatapakan mo
Hanggang nakaw-tingin na lang ang puso ko
Sabi nila na wala raw luha ang mga sirena
Ngunit sa pagkirot ng dibdib kong sumisinta
Kumintal sa aking mga mata ang hinagpis
Nang masdan ko ang aking pag-ibig na lihim at lihis
Walang komento:
Mag-post ng isang Komento