Sumapit na ang buwan
Ang buwan ng iyong kapanganakan
Binata o dalaga na ang pangalan
Sa kasibulan ng ating kabataan
Sing sigla ng pagsibol ng bulaklak
Sabay ng pagluha’t paghalakhak
Samu’t saring palamuti’t kulay
Sinasabing rurok ng ating buhay
Araw ng pagpasok sa eskwela
Na dito nakilala’t nakasama
Bumuo ng kwento’t mga tula
Na baon hanggang sa pagtanda
Tumibok rin ang iyong puso
Sa nakilalang naka-Maroon na polo
Bagama’t ‘di nakausap itong tao
Dinala ang Disyembre sa Hulyo
Sumulat ka rin ng liham at tula
Sa inibig mo’t sinisinta
Ng madling pagsusumamo’t dalita
Ang ano at bakit ng pag-ibig sa kaniya
Dumating ang 'di inaasahan
Ang mga saya ay natuldukan
Lumiit ang mundong ginagalawan
Lumaki ang agwat ng pagkakaibigan
Sa kasibulan ng ating kabataan
Mga karanasan at kwentuhan
Mga pagsimangot at pag-ngiti
Palaging babaunin hanggang magkitang muli
Walang komento:
Mag-post ng isang Komento