Tangayin na lang ng hangin ang aking mga tula
Kasabay ng aking yakap at pagsinta
Isabay na lang ng alon ang aking mga tula
Kasabay ng aking mga pagtawa’t pagluha
Ibuhos na lang ng lakas ng bagyo ang aking tula
Kasabay ng aking pagsusumamo na ako’y mahalin na
Kung makarating na sa ‘yo ang aking mga tula
Sana kasabay noon ang aking paglaya
Sa pagmamahal na ako ang nagpaubaya
Sana dumating ang araw na babalik ang sigla
Sigla sa iyong matatamis na ngiti at mapupungay na mata
Kahit na hindi ako ang dahilan niyon, tanggap ko na
Walang komento:
Mag-post ng isang Komento