Pikit mata kong pinadaan
Ang mga oras na ikaw ang nandiyan
Ang mga oras na ikaw ang kakwentuhan
Ang mga oras na ikaw ang kasama sa tawanan
Bakit ako nagkibit-balikat at pikit matang pinalipas?
Ngayo'y isa ka na lang bahagi ng aking pinalagpas
Isa na lang akong alaala sa 'yo na unti-unting naagnas
At isa na lang tayong pagkakataong umiwas
Kung dati pa ako gumising at dumilat
Ikaw ang nag-iisang perlas na kumikinang sa dagat
Na sisisirin ko kahit anong sakit at anong alat
Para masabi kong kahit papaano ako 'y sumubok kahit salat
Walang komento:
Mag-post ng isang Komento