O paborito kong libro
Na babalik-balikan ko ang kwento
Ang amoy ng tinta at pahina
Ang pakiramdam na matuwa at maluha
O paborito kong libro
Na binasa ko na nang ilang libo
Ang mga salita mong may sinta
Ang sining ng iyong bawat kabanata
O paborito kong libro
Sana'y sa susunod na yugto
Ikaw ay manatili sa aking puso
Kahit na sa panahong utak ay manlabo
O paborito kong libro
Sa susunod na babasa sa iyo
Sana maging kasing saya niya ako
Sana ay maintindihan ka niyang buong-buo
Walang komento:
Mag-post ng isang Komento