Mas natatakot ka pa sa dilim
Kaysa ako'y mapalayo't maging malihim
Mas kinatatakutan mo pa ang multo
Kaysa ako ay mapariwara sa mundo
O sino nga ba ang dapat kong kamuhian
Ang kabutihan ba o ang kasamaan
Kasi sa aking panimdim at paningin
Parang parehas lang naman kung iisipin
Mas natatakot ako ngayon sa hinaharap
Dahil pinatay mo ang aking pangarap
Mas kinatatakutan ko ang manatili
Sapagkat sa akin ay walang umiitindi
O sino nga ba ang dapat kong ikapangamba
Ang unti-unti ko paglapit sa pagtanda
O ang dahan-dahang pagmamartsa
Patungo sa lugar na masaya pero wala ka
Walang komento:
Mag-post ng isang Komento