Lakas ng katawang-lupa'y panandalian
Kapag dinapuan ng karamdaman
Naroon ang misteryo, ang kababalaghan
Tumawag sa Panginoong gagamot ng kasakitan
Walang sino man ang may hawak ng lunas at kaalaman
Upang hilumin ang nagdarahop nating kalooban
Tanging ang Diyos ang papawi ng kapanglawan
Siya'y dadamay sa atin tulad ng isang kaibigan
Hindi ka nag-iisa sa banig ng kahinaan
Nakaantabay ang rosaryo ng Birheng hangad ang ating kagalingan
Sa oras ng misteryo ng karamdaman, kahirapan, at kamatayan
Huwag mag-atubiling tumawag sa Kanya para sa ating kaginhawaan
Walang komento:
Mag-post ng isang Komento