Umaaraw ng madaling araw ng alas kwatro
Umuulan sa loob ng aking kwarto
Hindi nauubos ang mga kwento
Pero nauubos ang panahon para sa'yo
Dumidilim ng alas dose ng tanghali
Lumiliwanag ang iyong mga ngiti dati
Ngunit ang presensiya mong dama ko parati
Ngayon ay nawawalang unti-unti
Tinitipid ang mga pag-uusap at paglibot
Ginagastos ang mga alaalang pilit nililimot
Sabi nila pag maikli ang kumot, bumaluktot
Pero andito ako't naghihintay sa pag-ibig mong kuripot
Walang komento:
Mag-post ng isang Komento