Ningas ng kandila
Sa Maykapal nagmula
Pinatiling nakasindi
Sa mundong sawi
Ilaw na pinanatili
Nang magbigay tanglaw
Sa dilim at panglaw
Ng masalimuot na daigdig
Kaya't hanggang may sindi
Tanglawang lagi
Nang manalo't maghari
Ang liwanag ay mamayani
Kung maupos yaring ningas
Matunaw ang katawan
Mawala ang angking gilas
Hindi pa ito ang katapusan
Dahil ang ating ilaw
Ay malayo ang nasaklaw
Gabay ng kaluluwang naligaw
Anino sa bawat galaw
Walang komento:
Mag-post ng isang Komento