"Sa mga mahahalimuyak at makukulay na bulaklak ng aking kabataang naisatitik para sa alaalang aking sasariwain at babalik-balikan."
Tumalikod man ang mundo
Itakwil man ng lipunang ito
Hangga't nandiyan ka
O aking pahinga
Samahan mo akong lakarin
Ang bato-batong hagdanan
Hawak-kamay nating harapin
Ang daluyong ng karagatan
Sa mundong pangamba
Ikaw ang hanap ko
Aking sandalan at kasama
Pahinga at musika
Ang kapirasong pag-asa
Nagtatawid sa buhay kong nawala
Nawala ang saysay at halaga
Nagpalaboy-laboy, nagpagala-gala
Ang pag-asa kong kapiraso
Ako'y naligaw at napalayo
At iyon naghatid sa 'kin sa iyo
Nasumpungan ako sa dagat ng tao
Ang buoin aking pag-asa
Na dati'y 'di buo, pira-piraso
Ang layunin mo sa iyong puso
Naturuan mong sa pag-ibig ay maniwala
Ako'y iyong iniwan, iniwang buo
Ngunit ikaw ang bahagi
Na hahanap-hanapin kong lagi
Sa buhay kong uminog sa iyong mundo
Ang ngiting minsan kang naging dahilan
Ang luhang tumulo na ikaw ang nasa isipan
Ang puso ko na ikaw ang siyang tinitibok
Ang imahen mong minsa'y para sa 'kin nililok
Nagpapaalam na ako
Nagpapaalam sa alaala na ating binuo
Nagpapalaya na ako
Nagpapalaya dala ang pag-asang bigay mo
(Alay kay Saint Therese of the Child Jesus)
O munting rosas ng langit
O aming pintakasi kami'y ilapit
Tulunga't akayin nang paraiso'y makamit
Tulad ng halimbawa iyong sinabuhay at sinambit
Talang marikit ng kalangitan
Tuwa't saklolo ng nanambitan
Nawa'y ipanalangin kaming makasalanan
Nang makasama ka sa langit na bayan
Tanglawan mo mahal naming santo
Tanging daan sa karimlan nitong mundo
At yaring paulanan po ng talutot ng rosas
Ang sa pagpapakabanal na landas
Nang may biglaang kumalabit Si Kamatayan ay lumalapit Ang dibdib sumikdo't namilipit Pwede ba manlimos kahit isang saglit ulit Hinahabol...