Isang garapong babasagin
Naghihintay maging sanlibong bubog
Nanlalabo ang salamin
Binabalot ng buntong-hiningang hamog
Sinidlan ng mantikang kumukulo
Inaakalang mabilis itong makakatulog
Umapaw hanggang sa bibig tumulo
Sumuka mula labis na pagkabusog
Hanggang sa ito'y matabig, matulak
'Di nabasag,'di nabubog — nagbitak-bitak
Kaya't pasundot-sundot ang pagsirit
Ang pagkabasag ay nahinog sa pilit
Walang komento:
Mag-post ng isang Komento