Tinakbo at kinuha ang iyong kabataan
Inilayo ka sa iyong tunay na tahanan
Pagkatapos ay nilagay ka sa kulungan
Na nagmamaskarang palamuting libangan
Mas masahol pa ito sa mailap na kagubatan
Dahil magadamag kang tinititiga't minamasdan
Ang buhay mo'y piangmimistulang tampulan
Ng tawanan, pero sila lang ang nagkakasiyahan
Nag-iisa kang tinatampok sa malungkot mong entablado
Tila ka laruan sa libingan mong kwadradong museo
Makakawala ka ba sa mga tingin ng sanlibong mga tao
Gusto magpahinga nang matagal at tuluyan na lang magtago
Walang komento:
Mag-post ng isang Komento