Nakaluhod na nagsusumamo
Hawak-hawak ang butil ng rosaryo
Sambit ang nag-iisang panalangin
"Sana ako ay Inyo na pong kunin"
Aking isip, puso, at kaluluwa
Umaawit ng isang himig ng panalangin
Ako ay papanawin dito sa lupa
Sana'y munting tinig ko'y dinggin
Hapis at tangis sana'y magwakas
Alak sa kalis ay makalampas
Yaring panalangin kong madalas
Matuldukan kapalaran kong malas
Walang komento:
Mag-post ng isang Komento