Ang bulaklak ay nalalanta
Natutuyo ang tubig sa lawa
Ang araw ay lumulubog
Ang kahoy ay nasusunog
Ang mga tao rin ay nabubura
Impermanente ang lahat ng nakikita
Ang naririnig, nahahawakan, at natitikman
Masusunog, lulubog, matutuyo, malalanta...
Saglit lang ang ating oras sa takbo tungo sa katapusan...
Ano ang atin pa ang panghahawakan
Sa mundong lahat ay nabibitawan
Sa mundong lahat ay panandalian
Ibong malayang lumilipad
Saan man ay 'di magalugad
Ang uuwian niyang pugad
Ang karapatan ay hinubad
Indiong binansagang mangmang at tamad
Sa sariling lupa wari'y kapus-palad
Mahanap ang kalayaan ang tanging hangad
Nang sa matayog na lipad ay matulad
Mga tigre, buwaya, at buwitre
Sa bayan ay patuloy na nanabotahe
Ang mga ibong walang pugad na tirahan
Ngayon ay titindig at babasagin ang inyong katahimikan
Hinarana ng awitin at matatamis na wika-wika
Tutuldukan lang pala ang kwentong kinakatha
Pananagutan raw ang aking nadarama
Sa ere ay bibitawan lang pala akong nag-iisa
Tanging ikaw lamang ang pangako
Sa pader ng puso ko naiwang nakapako
Dati'y katotohanan sa dagat ng panaginip
Ngayo'y kasinungalingan sa patag na pagkainip
Pareho ang nadarama sa una
Hanggang ako na lang ang naiwan sa umpisa
Pag-ibig atin nang natagpuan pero...
Binitawan dahil lang sa 'king biglaang pagpreno
"Pag-ibig na kaya?"
Marahil ay hindi dahil kapwa tayo'y 'di handa
Tayo ay mga diamanteng pinipino ng oras
Sa pagdating ng araw tayo na ay kumikinang na kwintas
Lahat tayo ay lumalago bawat araw
Huwag tayo magpapigil sa pagtanglaw
Tayo ay isang malawak at blangkong pisara
Naghihintay makulayan ng lungkot at ligaya
Kapwa magtuturo ng sentimiento ng buhay
Babaunin magpahanggang sa hukay
Tayo ay kinakathang nobela
Masinsin ang pagpili sa gagamiting salita
Nang maliwanag ang pagsasalaysay
Sa natatangi nating paglalakbay
.png)
Pagkatuntong sa entablado
Ngiti ang pinapakita sa mundo
Pagkasara ng mga kurtina
Hinuhubad na agad ang maskara
.png)
Uhaw naman sa yakap at kalinga
Parating nagsasalita
Parang ngawa lamang na walang kwenta
.png)
Matayog ang pagaspas ng aking mga pakpak
Sa himpapawid na hangari’t balak ay nakatatak
Aabutin mayroon mang pumigil at humatak
Ako ay babangon at magtatagumpay sa kabila ng pagkakabagsak
.png)
Tila may tae sa pwet
Kaya ang kulit-kulit
Tila may reglang malagkit
Laging ang sungit-sungit
Lumalabas ang tagong lihim
Mga bubog at mga patalim
Niyayapos ng gabing madilim
Habang nakakulong sa salamisim
Sa mumunting panahong ipinasilip
Naalimpungatan din sa maikling pagkakaidlip
Na hindi tayo ang makapupuno o magiging panakip
Sinubukan naman natin hindi ba?
Ngunit 'yon lang ang oras na ipinahintulot sa'ting dal'wa
Na maging magkakilala at estrangherong may alaala
Wari isang panaginip lang, panaginip nga
Dahil tayo ay dumilat at nagising na
Sa katotohanang 'di tayo para sa isa't isa